У гібрыднай вайны, якую Расія вядзе супраць краін Захаду, шмат твараў – піша Forsal.pl. Яна адпраўляе мігрантаў на штурм межаў, глушыць сігналы GPS, вярбуе злачынцаў для дыверсіяў, парушае паветраную прастору.
Кожная з краін, якія мяжуюць з Расіяй, мае складаную гісторыю адносін з Масквой, і ўсе цяпер з'яўляюцца членамі НАТА. У адказ на гібрыдныя атакі з боку Расіі гэтыя краіны прадставілі планы па ўмацаванні і мадэрнізацыі сваёй усходняй мяжы на агульную суму 3,5 мільярда долараў. Яны таксама папрасілі ўключыць гібрыдныя напады ў парадак дня саміту НАТА ў Вашынгтоне.
Масква рэгулярна прадстаўляе краіны Балтыі як прыхільнікаў вайны і русафобаў. Яна набірае троляў і арміі ботаў дзеля рассылкі кантэнту ў сацыяльных сетках, адпраўляе мігрантаў у памежныя зоны, каб аказваць прэсінг і выклікаць грамадскі супраціў. Еўрапейскія суседзі Расіі разглядаюць магчымасць стварэння «сцяны беспілотнікаў» для барацьбы з расійскімі БПЛА-шпіёнамі, адсочвання міграцыі і спынення кантрабанды.
Прыфрантавыя краіны скардзяцца, што яны не павінны браць на сябе ўвесь цяжар абароны межаў ЕС. «Мы робім працу за ўсіх», – заявіў міністр замежных спраў Эстоніі Маргус Цахкна.
нг
