Пашпарт Мальтыйскага ордэну настолькі рэдкі, што нават пры перасячэнні мяжы ён выклікае немалое зацікаўленне, бо большасць памежнікаў ніколі яго не бачыла. Але атрымаць яго не так проста – ён зарэзерваваны для невялікай групы людзей, паведамляе партал Geekweek.pl.
Мальтыйскі ордэн альбо, дакладней, Суверэнны ваенны ордэн гаспітальераў Святога Яна, Іерусаліма, Радоса і Мальты – гэта каталіцкі рыцарскі ордэн з амаль 1000-гадовай гісторыяй. Ордэн з’яўляецца суб’ектам міжнароднага права – гэта суверэнная дзяржава, хаця, што незвычайна, без тэрыторыі. Яна з'яўляецца ўдзельнікам міжнародных пагадненняў, падтрымлівае дыпламатычныя адносіны са 113 краінамі свету і нават мае статус назіральніка ў ААН, ЮНЕСКА, ЮНІСЕФ. Акрамя таго, ордэн таксама выдае ўласныя аўтамабільныя нумары, хаця ў яго няма ўласных дарог, а таксама манеты, паштовыя маркі і пашпарты.
Першыя пашпарты ордэн выдаў у XIII стагоддзі, калі яго дыпламаты пачалі ездзіць у іншыя краіны ў якасці паслоў. У цяперашні час толькі каля 500 чалавек маюць гэты дакумент, што робіць яго самым рэдкім пашпартам у свеце.
Хто можа атрымаць гэты пашпарт? Варта пачаць з таго, што дакумент выдаецца на пэўны тэрмін, на працягу якога дадзеная асоба выконвае ўскладзеныя на яго функцыі. Найбольшы тэрмін дзеяння пашпартоў Вялікіх магістраў ордэну – 10 гадоў. Астатнія дзейнічаюць на працягу чатырох гадоў і выкарыстоўваюцца ў дыпламатычных місіях.
На вокладках пашпартоў – тэкст «Ordre souverain militaire de Malte», герб ордэну і надпіс «Passeport diplomatique» або «Passeport de service» пад ім. Дыпламатычныя пашпарты – чырвонага колеру, а службовыя – чорнага.
вс