Чаму Лукашэнка не вызваліў Пачобута, напрыклад, падчас апошніх вызваленняў палітвязняў, назваўшы яго цяжка хворым, каб мець фармальную прычыну?
Умовай такога звальнення, нават па амністыі, заўсёды з’яўляецца прашэнне аб памілаванні. А гэтага Анджэй Пачобут рабіць не хоча. У выніку абодва бакі апынуліся ў тупіку, кажа палітолаг Павал Усаў:
-Лукашэнка і яго атачэнне ніколі не дэманструюць таго, што іх прымусілі кагосьці выпусціць. Яны вымагаюць падпісаць прашэнне, што азначае прызнанне віны. Пачобут на гэта не пойдзе. Гэта прыводзіць да тупіка, выхаду з сітуацыі няма. Лукашэнка і яго атачэнне прынцыпова не хочуць саступаць. Польскі бок, заявіўшы, што зачыніць межы, апынуўся перад выклікам. Сказаць, што зачыняць межы і не зрабіць гэтага, гэта значыць прызнацца ў сваёй слабасці. У сваю чаргу Лукашэнка не выпусціць цяпер Пачобута. Калі ён выпусціць яго па прычыне ўльтыматуму, то гэта праяўленне слабасці.
У выніку сітуацыя вядзе да росту ўзаемнай агрэсіі. Я разумею логіку і палякаў, і Лукашэнкі, які заўсёды дзейнічаў з пазіцыі сілы. А цяпер яшчэ выстаўлены іншыя ўльтыматумы: спыніць міграцыйны крызіс, выдаць таго, хто забіў польскага жаўнера. А гэтага Лукашэнка таксама не зробіць.
Такім ультыматумам палякі паставілі сябе ў тупіковую сітуацыю. Зараз яны не могуць адмовіцца ад ультыматуму, але і не могуць цалкам зачыніць межы, бо праз іх тавар едзе не толькі ў Польшчу, але і цэлую Еўропу.
Поўная размова - у далучаным гукавым файле. Слухайце аўдыё
