У сувязі з правядзеннем у Лідзе фэсту LIDBEER Беларуская чыгунка пусціць дадатковы цягнік Мінск-Ліда, інфармуе «Еўрарадыё» са спасылкай на прэс-службу перавозчыка.
Цягнік №693 адправіцца з Мінска 7 верасня ў 12:14 і прыбудзе ў Ліду ў 15:41.
Назад наведвальнікі фэсту змогуць вярнуцца цягніком №694 уначы 8 верасня: ён адправіцца ў 1:15 і прыбудзе ў сталіцу ў 5:28.
За праезд у купэйным вагоне давядзецца заплаціць 10 рублёў 75 капеек, у плацкартным – 7 рублёў 79 капеек.
Нагадаем, што падчас фэсту плануецца адкрыццё помніка князю Гедыміну.
вс