Беларуская Служба

Акадэміі навук Беларусі і Аўстрыі падпісалі пагадненне аб супрацоўніцтве

12.11.2019 14:08
„Пагадненне - гэта лагічны працяг нашага шматгадовага супрацоўніцтва”, - лічыць старшыня Прэзідыума НАН Уладзімір Гусакоў.
P
PучкаPhoto: PDPics /pixabay.com/CC0 Public Domain

У час афіцыйнага візіту Аляксандра Лукашэнкі ў Аўстрыю паміж Нацыянальнай акадэміяй навук Беларусі і Аўстрыйскай акадэміяй навук падпісана пагадненне аб супрацоўніцтве, перадае карэспандэнт БЕЛТА.

Старшыня Прэзідыума НАН Уладзімір Гусакоў наконт гэтага ў інтэрв'ю журналістам адзначыў, што паміж навуковымі ўстановамі дзвюх краін ужо на працягу многіх гадоў існуюць трывалыя сувязі. Бакі ўжо выканалі шэраг праектаў у розных галінах, у тым ліку ў матэрыялазнаўстве, фізіцы, біялагічных навуках.

„Пагадненне - гэта лагічны працяг нашага шматгадовага супрацоўніцтва. Мы замацавалі ў ім нашы рэзультаты, і яно дасць магчымасць далейшага ўзаемадзеяння па шэрагу напрамкаў у больш шырокім плане”, - расказаў ён.

Уладзімір Гусакоў выказаў надзею, што бакі змогуць пераходзіць да рэалізацыі сумесных камерцыйных праектаў, рэзультаты якіх будуць запатрабаваны. „Мы маем намер пашырыць наша ўзаемадзеянне ў галіне энергетыкі, машынабудавання, фармацэўтыкі, аграрных навук. У нас ёсць узаемныя інтарэсы”, - заявіў старшыня Прэзідыума НАН.

Беларускі бок падрыхтаваў ужо і перадаў на разгляд аўстрыйскаму шэраг праектаў.

Уладзімір Гусакоў адзначыў тое, што прэзідэнт Аўстрыйскай акадэміі навук Антон Цайлінгер уваходзіць у лік замежных членаў НАН Беларусі. „Таму нашы адносіны з'яўляюцца ў многім прыкладам узаемадзеяння, у нас ёсць поўнае ўзаемаразуменне”, - падкрэсліў ён.

аз