«Эшалон з не менш чым дзесяццю адзінкамі «Іскандэр-М» прыбыў на чыгуначную станцыю Асіповічы Магілёўскай вобласці з Капусціна Яра Астраханскай вобласці Расіі», – паведамляе, паведамляе незалежны Тэлеграм-канал «Беларускі Гаюн».
У цытуемым афіцыйным камюніке паведамлялася, што комплексы «Іскандэр-М» ужо пастаўленыя на ўзбраенне беларускай арміі і «гэты эшалон не апошні, які прыбыў у Беларусь». Вайсковец на відэа таксама сказаў, што камплекты прызначаныя для перавозкі «спецыяльнай боегалоўкі».
У арміях краін былога Варшаўскага дагавора для апісання ядзернай зброі выкарыстоўваўся тэрмін «спецыяльная зброя».
Партал «Украінская праўда» нагадвае, што ў чэрвені 2022 года Уладзімір Пуцін абвясціў аб перадачы Беларусі пускавых установак «Іскандэр», якія могуць выкарыстоўвацца для балістычных або манеўраных ракет. Таксама расійскі дыктатар заявіў, што яны могуць мець ядзерную зброю. У сваю чаргу ў красавіку 2023 года міністр абароны Расіі Сяргей Шайгу заявіў, што ў Беларусі ўжо ёсць баявыя самалёты і «Іскандэры-М», здольныя выкарыстоўваць тактычную ядзерную зброю.
«Беларускі Гаюн» таксама адзначае са спасылкай на крыніцы ў Беларускай чыгунцы, што з сярэдзіны траўня пустыя цягнікі з беларускіх вакзалаў адпраўляліся ў Капусцін Яр (Капусцін Яр – ракетны палігон у паўночна-ўсходняй частцы Астраханскай вобласці Расіі. – Рэд.).
PAP / вх