Кваліфікацыйная камісія Міністэрства юстыцыі пазбавіла ліцэнзіі пяцярых адвакатаў, гаворыцца на сайце ведамства.
Камісія адбылася 31 жніўня. Па яе выніках ліцэнзій пазбавілі Яўгена Ляўковіча і Алену Халупку «за здзяйсненне правін, не сумяшчальных са званнем адваката». Сяргея Мядзведзева, Ларысу Суслікаву і Міхаіла Тарасюка ліцэнзій пазбавілі «з прычыны недастатковай кваліфікацыі».
У чэрвені Мінюст пазбавіў ліцэнзіі адваката, які абараняў журналіста Анджэя Пачобута.
З кастрычніка 2020 года Мінюст пад рознымі падставамі пазбаўляе ліцэнзій адвакатаў, многія з якіх прадстаўляюць інтарэсы арыштаваных палітыкаў, журналістаў, удзельнікаў пратэстаў. Некаторыя з адвакатаў з'ехалі з краіны. Мінюст сцвярджае, што гэта звязана з недастатковай кваліфікацыяй абаронцаў, а самі адвакаты гавораць аб палітычным пераследзе.
вх