Яшчэ два цягнікі з кампанентамі тактычнай ядзернай зброі прыбылі ў Беларусь у верасні, паведамляе Супольнасць чыгуначнікаў Беларусі.
15-24 верасня на станцыю Прудок з расійскіх станцый Чабаксары і Патаніна прыйшло 26 вагонаў з кампанентамі ядзернай зброі, а таксама вагонаў, прызначаных для перавозкі персаналу і суправаджэння.
Каля Прудка размяшчаецца 2631-я авіяцыйная база захоўвання ракетнага ўзбраення і боепрыпасаў.
Для засакрэчвання перавозкі цягнікі ішлі праз стыкавы пункт Заольша, дзе праходзяць усяго два саставы ў суткі.
Груз на цягніках адносіцца да класа «выбуховыя матэрыялы» і пазначаны ў дакументах як «боепрыпасы іншыя для ваенных мэтаў».
Асноўным бенефіцыярам гэтых перавозак, паводле інфармацыі Супольнасці чыгуначнікаў, з'яўляецца беларуска-швейцарскае СТАА «ТРАНСРЭЙЛ-БЧ». Пры дапамозе гэтай кампаніі ў Беларусь з мая 2021 года па верасень 2023 года ў Беларусь прыбыло 127 вагонаў з грузамі ваеннага прызначэння.
Пры гэтым маніторынгавая група «Беларускі Гаюн» сцвярджае, што саміх ядзерных боегаловак на тэрыторыі Беларусі на дадзены момант няма.
вс