16 снежня першы энергаблок БелАЭС уключылі ў сетку пасля планава-папераджальнага рамонту, паведамляе Мінэнерга.
Падчас рамонту выканалі перагрузку ў рэактар ядзернага паліва, правялі рэвізію абсталявання рэактарнай устаноўкі, турбагенератара, галоўных цыркуляцыйных помпаў і іншага абсталявання і тэхналагічных сістэм, выканалі кантроль мэталу і дыягностыку зварных злучэнняў абсталявання.
У Мінэнерга паведамляюць, што рамонт рабілі для «павышэння надзейнасці і эфектыўнасці працы энергаблока».
За час сваёй працы першы энергаблок БелАЭС спыняўся некалькі дзясяткаў разоў - нагадвае "Свабода". Міжнароднае агенцтва атамнай энергетыкі ў сваёй справаздачы адзначала, што ў 2022 годзе першы энергаблок БелАЭС не вырабляў электраэнергію 54,6% часу. Тым часам, ад пачатку працы АЭС электрычнасць у Беларусі падаражэла на 21–22% у залежнасці ад тарыфу.
нг