Бронеаўтамабіль «Казак-5» украінскай вытворчасці распазналі ўкраінскія вайскоўцы падчас дэманстрацыі тэхнікі, паказанай Унутранымі войскамі МУС Беларусі на фатаграфіі з вучэнняў. Здымак зʼявіўся ў Тэлеграм-канале Унутраных войскаў.
«Казак-5» у Беларусь ніколі не пастаўляўся. Таму ўкраінцы выказалі меркаванне, што ў Беларусь ён трапіў ад расіян, якія захапілі тэхніку падчас вайны ва Украіне.
«Украінскі »Казак-5« не пастаўлялі на ўзбраенне Беларусі. Трапіць у краіну ён мог разам з расійскімі вайскоўцамі, якія адыходзілі з Кіеўшчыны... Таксама не выключана, што яна магла трапіць у краіну пазней, у 2023 годзе, разам з часцямі »Вагнер«, якія перакінулі туды пасля няўдалага бунту Прыгожына», – піша «Украінскі ваенны цэнтр».
Украінскі ваенны аўтамабіль выкарыстоўваўся ў атрадзе спецыяльнага прызначэння «Віцязь».
Раней «Беларусі Гаюн» паведамляў, што ў верасні 2023 года захоплены ўкраінскі бронеаўтамабіль «Кугуар» маркі КрАЗ выкарыстоўваўся падчас вучэнняў беларускай тэрытарыяльнай абароны.
вс