Нядаўна былі праведзены два апытанні беларускага насельніцтва, у якіх закраналася тэма грашовых зберажэнняў. Адзін з іх арганізаваў даследчы цэнтр BEROC, іншы - Інстытут сацыёлагі НАН па замове Нацбанка.
28% рэспандэнтаў прызналіся Нацбанку, што зусім не адкладаюць грошы. А яшчэ 37% адказалі, што, хаця і адкладаюць, але робяць гэта не рэгулярна, а па меры магчымасці.
BEROC ж налічыў 37% тых, хто зусім не ашчаджае. У сваё даследаванне аналітыкі ўключылі пытанне, ці сталі рэспандэнты адкладаць больш ці менш. Нягледзячы на рост даходаў, больш за палову адказала, што адкладаюць менш, чым раней. Нацбанк жа выявіў, што працэнт тых, хто не робіць зберажэнні, скараціўся ў параўнанні з 2022 годам (тады ён складаў 29%).
.
Колькі грошай адкладаюць?
Па дадзеных Нацбанка, крыху больш за трэць тых, у каго ёсць «кубышка», адкладаюць да 10% свайго даходу. Да 30% прыбытку захоўваюць 19,7% апытаных, больш за 30% — 5,4%.
У выпадку страты асноўнай крыніцы даходу 17,1% апытаных змогуць пратрымацца, выкарыстоўваючы свае фінансавыя зберажэнні, толькі адзін месяц; 15,2% — да трох месяцаў; 8,5% — ад трох да шасці месяцаў. Палова апытаных не змагла адказаць на гэтае пытанне.
Нацбанк звяртае ўвагу, што беларусы не карытсаюцца фінансавымі інструментамі. Апытаныя ведаюць, што граматна пры атрыманні прыбытку спачатку адкласці ў скарбонку запланаваную частку, а потым ужо марнаваць пакінутае. Але так мала хто робіць. Большасць (42%) трацяць заробак, а калі нешта застанецца — адкладаюць.
belmarket.by/вх
