Ва Украіне ушануюць семярых беларускіх добраахвотнікаў, якія загінулі ў баях. Гэтыя байцы змагаліся ў самых розных падраздзяленнях украінскай арміі на перадавой. Узнагарода – крыж з пасведчаннем, дэвіз якога – «Honor Et Gloria». Ён уручаецца толькі замежнікам. Першымі яго атрымаюць беларусы. Іх імёнамі адкрываецца спіс ганаровай узнагароды.
Каго з беларусаў узнагародзіць ордэнам, вырашалі афіцэры ваенных падраздзяленняў. Узнагароду атрымаюць сваякі загінулых:
Дзмітрыя Рубашэўскага, байца 4-й асобнай механізаванай брыгады;
Данілы Ляшука, байца 59-й асобнай мотапяхотнай брыгады (тактычная група «Vendetta»);
Яўгена Логінава, байца брыгады Нацыянальнай гвардыі Украіны «Азоў»;
Эдуарда Лобава, байца 72-й асобнай механізаванай брыгады;
Канстанціна Дубілы, байца 46-га асобнага штурмавога батальёну «Данбас»;
Аляксея Вешчавайлава, байца Інтэрнацыянальнага легіёну тэрытарыяльнай абароны Украіны;
Іллі Хрэнава, байца роты тэрытарыяльнай абароны палка «Азоў».
Дата ўручэння крыжа «Honor Et Gloria» пакуль адкрыта не называецца з-за бяспекі сваякоў. Але вядома, што гэта адбудзецца ў адзін з дзён да канца верасня, паведамляе «Белсат».
вс
