Вадзіму Наўцені 37 гадоў, родам ён з Брэста. Закончыў Гродзенскі дзяржаўны медыцынскі ўніверсітэт. Працаваў у розных паліклініках і бальніцаз: ва Ушачах, Полацку, Брэсце і Пінску. Па спецыялізацыі - псіхолаг-нарколаг, паведамляе праект Digital Intelligence Team.
Мяркуючы па сацсетках, у Вадзіма ёсць жонка.
Пра прысуд і сутнасць абвінавачанняў стала вядома з прэс-рэліза Вярхоўнага суда. Медыка абвінавацілі ў тым, што ён удзельнічаў у пратэстах і пакідаў каментары ў «Тэлеграме», за што яму дадалі яшчэ чатыры артыкулы: «дыскрэдытацыя Беларусі», «абраза Лукашэнкі», «абраза прадстаўніка ўлады» і «распальванне варожасці».
У выніку 27 верасня яму прысудзілі тры гады калоніі і штраф у 8 тыс. рублёў (200 базавых вулічынь). Таксама ў яго канфіскавалі квадракоптар як «рэч, якую знялі з абароту».
Судзіў Вадзіма Дзмітрый Карасінскі. Ён асудзіў па палітычных крымінальных справах больш за 10 чалавек, паведамляе «Наша Ніва».
вс