Беларуса пачалі судзіць за «адмаўленне генацыду беларускага народа»  

Андрэя Савіцкага затрымалі яшчэ ў сакавіку і змясцілі пад варту. Яго вінавацяць таксама ў абразе Лукашэнкі.

Ілюстрацыя

фота: ilikeyellow/shutterstock

Беларусаў пачалі судзіць за «адмаўленне генацыду беларускага народа», паведамляе «Наша Ніва». Артыкул, які прыдумалі ў 2022 годзе, сёння ўпершыню быў агучаны ў Мінскім судзе. Абвінавачаны - 54-гадовы Андрэй Савіцкі.

Паводле суддзі, беларус «адміністраваў у «Аднакласніках» адкрытую групу, дзе была публікацыя пра Другую сусветную вайну. У ёй аўтар нібыта «адмаўляў масавае знішчэнне мірных жыхароў вёскі Хатынь у выніку карнай аперацыі 22 сакавіка 1943 года».

Андрэя Савіцкага затрымалі яшчэ ў сакавіку і змясцілі пад варту. Мужчыну абвінавачваюць па артыкулах 130-2 («адмаўленне генацыду беларускага народу»), 368 («абраза Лукашэнкі») і 342 («удзел або арганізацыя дзеянняў, якія парушаюць грамадскі парадак»). Яму пагражае да пяці гадоў турмы.

Суд працягваецца ў адкрытым рэжыме.

аз