Украінскі суд спагнаў актывы «Беларуськалія» ў даход дзяржавы

Ва ўкраінскім Мінюсце заяўляюць, што прадпрыемства прама ці ўскосна спрыяе вядзенню агрэсіўнай вайны супраць Украіны. Размова пра гаспадарча-фінансавыя сувязи з расійскім ваенна-прамысловым комплексам, а таксама з акупацыйнымі адміністрацыямі  ДНР і ЛНР.

Беларуськалій.

minskpromstroy.by

«Акрамя таго, кампанія давала транспартныя сродкі і памяшканні для знаходжання ўкраінскіх дзяцей, вывезеных з часова акупаваных тэрыторый на тэрыторыю Рэспублікі Беларусь, а таксама ўдзельнічала ў арганізацыі і фінансаванні мерапрыемстваў, накіраваных на падтрымку палітыкі дзяржавы-агрэсара па адмаўленні права ўкраінскага народа на самаідэнтыфікацыю», — гаворыцца ў паведамленні прэс-службы.

У адпаведнасці з рашэннем Вышэйшага антыкарупцыйнага суда ў даход Украіны спагнана:

больш за 70 тысяч тон хлорыстага калію;

грашовыя сродкі ў эквіваленце больш за 250 мільёнаў грыўняў;

1545 чыгуначных вагонаў;

48% статутнага капіталу ўкраінскага ТАА «Аграрасквіт».

Таксама суд пазбавіў кампанію права на кампенсацыю кошту маёмасці, прымусова адчужанай у адпаведнасці з Законам Украіны «Аб перадачы, прымусовым адчужэнні або адабранні маёмасці ва ўмовах прававога рэжыму ваеннага або надзвычайнага становішча».

вх