Некаторыя з гэтых людзей пакутуюць ад невылечных хвароб і ім засталося жыць усяго некалькі месяцаў.
Паводле звестак арганізацыі, зняволеныя пазбаўленыя доступу да належнай медыцынскай дапамогі, пакутуюць ад недаядання, недахопу свежага паветра і знаходзяцца пад пастаянным псіхалагічным ціскам.
Невылечна хворы Андрэй Войніч знаходзіцца ў выключна цяжкім стане. Ён пакутуе на дыябет і змагаецца са злаякаснай пухлінай. Сярод тых, хто мае патрэбу ў неадкладнай медыцынскай дапамозе, таксама Мікіта Залатароў, які пакутуе на эпілепсію, і Анджэй Пачобут, журналіст і актывіст Саюза палякаў Беларусі, які знаходзіцца ў зняволенні больш за 4 гады і мае праблемы з ціскам.
У апошнія месяцы некалькі чалавек памерлі неўзабаве пасля вызвалення з турмаў, дзе яны адбывалі пакаранне. Паводле звестак «Вясны», у беларускіх турмах можа знаходзіцца да 1200 палітычных зняволеных.
ІАR/вх