Жыхары Беларусі атрымалі рахункі за камуналку за студзень і абурыліся падаражэннем у параўнанні са снежнем, піша Радыё Свабода.
Найбольш сумы выраслі ў тых, каго дзяржава лічыць «дармаедамі», то бок «не занятымі ў эканоміцы». Прыкладамі падаражэння беларусы актыўна дзеляцца ў сацыяльных сетках. Паводле аднаго з такіх допісаў, уласніку кватэры, большай за 100 м², прыйдзецца заплаціць больш на 36% – каля 500 рублёў.
Найбольшы артыкул выдаткаў паводле гэтай квітанцыі – ацяпленне. Плату за яго вылічылі паводле поўных тарыфаў, бо дзяржава прызнала ўласніка «дармаедам».
Людзі, якія аплачваюць ацяпленне і гарачую ваду паводле льготных тарыфаў таксама скардзяцца на падаражэнне. У большасці квітанцыя за снежань павялічылася на 20–30 рублёў. Напрыклад, двухпакаёвая кватэра ў сталіцы: было 100 рублёў, стала 120. Для большых кватэраў цэны выраслі яшчэ больш, недзе на 50–80 рублёў.
Сярэдняе падаражэнне склала ад 15% да 50%.
Крыніца: Радыё Свабода/юл