Пра гэта на Кастрычніцкім эканамічным форуме заявіла часовая павераная ў справах ЗША ў Беларусі Джэніфер Мур, перадае Еўрарадыё.
Прадстаўніца ЗША адзначыла, што ўступіць у СГА не вельмі проста Таму Штаты вітаюць, што Беларусь пасля працяглай паўзы сур'ёзна працуе ў гэтым напрамку. Дыпламат звярнула ўвагу, што далучэнне да арганізацыі — гэта не палітычны працэс, а хутчэй тэхнічнае пытанне. Праўда, ёсць і палітычны складнік — прыхільнасць да лібералізацыі гандлю і адпаведныя рэформы.
На думку часовай паверанай ЗША, уступленне ў СГА можа падштурхнуць унутраныя рэформы ў Беларусі. "Вам можна разлічваць на Злучаныя Штаты ў гэтым сэнсе. Падчас руху наперад мы дапаможам Беларусі зрабіць такія змены, каб усе прадпрыемствы (прыватныя і дзяржаўныя, унутраныя і замежныя) маглі канкураваць на роўных умовах. Гэта датычыць адпаведных цэнавых рэгуляцый і, вядома, трэба спрасціць рэжым функцыянавання бізнэсу, у тым ліку ва ўмовах гандлю", — заявіла Мур.
эж