1 мільён 469 тысяч 235 рублёў або больш за 715 тысяч долараў на год – менавіта такая сума з дзяржаўнага бюджэту выдаткоўваецца на ўтрыманне «Беларускага тэлеграфнага агенцтва».
Сёлета ўпершыню ў праекце бюджэту на наступны год апрылюдненыя меркаваныя выдаткі «Беларускага тэлеграфнага агенцтва». Пра гэта напісала ў сваім Фэйсбуку дэпутатка Ганна Канапацкая, інфармуе «Новы час».
Дэпутатка Ганна Канапацкая звяртаецца да грамадскасці з пытаннямі:
-Вы згодныя з такім фінансаваннем толькі аднаго дзяржаўнага СМІ? Якое пры гэтым яшчэ і прадае інфармацыю, за якую ўжо атрымала грошы з нашых кішэняў. Ці падтрымліваеце вы ў прынцыпе бюджэтнае фінансаванне дзяржаўных СМІ, вызначанае ня вамі, спажыўцамі інфармацыі, а кімсьці там зверху? Можа гэта фінансаванне неабходна размяркоўваць на конкурснай аснове паміж усімі СМІ.
Задалася такім рытарычным пытанне апазіцыйная дэпутатка Ганна Канапацкая на сваім профілі ў сацыяльнай сетцы.
эж