Ён пазначыў некалькі прычын, якія паўплывалі на падобныя навацыі ў Выбарчым кодэксе, – каранавірус і скарачэнне дыппрадстаўніцтваў за мяжой, піша Sputnik.
«Так, не будуць утварацца ўчасткі для галасавання за мяжой, што звязана з існуючым адмоўным вопытам правядзення выбарчых кампаній з прычыны неспрыяльнай эпідэміялагічнай абстаноўкі, адсутнасці неабходных умоў для бяспекі работнікаў загранустаноў і грамадзян, скарачэння колькасці работнікаў дыпламатычных службаў», – расказаў Карпенка.
Раней ён расказаў і пра іншыя планаваныя змены ў Выбарчым кодэксе – у Беларусі прапануецца адмяніць парог яўкі на выбарах дэпутатаў, а назіральнікі павінны будуць акрэдытоўвацца на ўчастках для галасавання да пачатку датэрміновага галасавання.
ав/zerkalo.io
