Артур Міхальскі: У Беларусі час смутку і пакуты, час рэпрэсій супраць усіх, хто прагне свабоды, у тым ліку, супраць польскай меншасці

Амбасадар Польшчы ў Беларусі Артур Міхальскі павіншаваў палякаў, якія жывуць у Беларусі, з Днём сцяга і Днём польскай дыяспары і палякаў замежжа. 

Ілюстрацыя

Foto: PAP/Artur Reszko

Амбасадар Польшчы ў Беларусі Артур Міхальскі павіншаваў палякаў, якія жывуць у Беларусі, з Днём сцяга і Днём польскай дыяспары і палякаў замежжа. Амбасадар адзначыў драматычнае становішча польскай меншасці ў Беларусі:

-У Беларусі зараз не час для радаснага святкавання. Там – час смутку і пакуты, час рэпрэсій супраць усіх, хто прагне свабоды, у тым ліку, супраць польскай меншасці. Тысячы сумленных людзей, у тым ліку, палякі, кінутыя ў турмы. За кратамі была Анжэліка Борыс, дагэтуль у няволі Анджэй Пачобут. У Беларусі зараз час брутальнай рэжымнай прапаганды, якая, у тым ліку, скіраваная супраць Польшчы.

Журналіст і актывіст Саюза палякаў на Беларусі Анджэй Пачобут ужо два гады знаходзіцца за кратамі. У сакавіку гродзенскі суд прыгаварыў яго да васьмі гадоў пазбаўлення волі ў калоніі ўзмоцненага рэжыму нібыта за «распальванне варожасці» і «тэрарыстычную дзейнасць». Анджэй Пачобут стаў ахвярай рэпрэсій за сваю прафесійную і грамадскую дзейнасць. У турме яго здароўе пагоршылася.

iar/эж