Арганізацыя «Рэпарцёры без межаў» правяла акцыю «Паштоўкі для Марыны», даставіўшы сотні паштовак, лістоў і анлайн-паведамленняў у пасольствы Беларусі ў сямі гарадах свету. Гэта было зроблена, каб падтрымаць галоўнага рэдактара партала TUT.BY Марыну Золатава, якая трэці раз запар сустрэла дзень нараджэння ў турме.
6 лістапада прадстаўнікі «Рэпарцёраў без межаў» у Парыжы, Лондане, Берліне, Берне, Стакгольме, Вене і Вашынгтоне перадалі сотні пасланняў у падтрымку Золатавай у пасольствы Беларусі ў іх краіне.
У Парыжы генеральны сакратар арганізацыі Крыстаф Дэлуар заявіў журналістам, якія сабраліся ля беларускай амбасады: «Дыктатар Аляксандр Лукашэнка хацеў бы скарыстацца міжнароднымі навінамі, каб прымусіць людзей забыцца пра рэпрэсіі і тэрор у яго краіне. Мы прыйшлі сюды сёння раніцай, каб сказаць «не« прапагандзе ягонага рэжыму і паказаць, што мы працягваем змагацца за журналістаў, якія знаходзяцца ў зняволенні ў Беларусі, і прыцягнуць увагу СМІ да гэтай сітуацыі. Марына Золатава – толькі журналіст, самая вядомая ў краіне, рэдактар, якая кіравала найбуйнейшым незалежным сайтам у Беларусі, і менавіта таму рэжым так моцна яе б'е».
У Парыжы да акцыі далучыўся і муж Золатавай Васіль Кішкурна. Ён заклікаў да далейшай салідарнасці з Марынай і ўсімі іншымі беларускімі журналістамі, якія падвергліся пераследам за тое, што яны не маўчалі пасля падзеяў у жніўні 2020 года.
«Ім патрэбная гэтая падтрымка, і яны адчуваюць яе нават у турме, таму што чалавечае цяпло пераадольвае ўсе сцены і нават межы. Я ведаю, што аднойчы ў Беларусі ўзыдзе сонца», – сказаў ён.
Офісы «Рэпарцёраў без межаў» па ўсім свеце за апошнія два месяцы збіралі паштоўкі ў рамках глабальнай кампаніі # FreeZolatava.
ав/zerkalo.io