У Цэнтральнай раённай бальніцы гарадскога пасёлка Акцябрскі Гомельскай вобласці зачынілі хірургічнае аддзяленне з-за адсутнасці спецыяліста, піша «Флагшток».
Мясцовым жыхарам прыйдзецца ездзіць на прыём да хірурга ў суседні райцэнтр – Светлагорск, якія размешчаны ў 70 км ад Акцябрскага.
Блогеру Андрэю Павуку, які пазваніў у бальніцу і спытаў аб прычынах закрыцця аддзялення, адказалі: «Ёсць загад Гомельскага ўпраўлення аховы здароўя. Няма лекара-хірурга. Справа не ў заробку, а ў тым, што няма спецыяліста».
Паведамляецца, што лекар-хірург, якая працавала ў аддзяленні, пайшла ў дэкрэтны адпачынак. У бальніцы аб'явілі вакансію. Заробак, які прапануюць новаму спецыялісту, складае ад 1 тыс. 500 да 2 тыс. 100 рублёў.
У Акцябрскім няма таксама лекара-отарыналарынголага – яго шукаюць за прыкладна такі ж заробак.
Рэзкі дэфіцыт медыцынскіх кадраў адчуваецца па ўсёй Беларусі.
вс