Украінскае войска пашырае дзве лініі абароны на мяжы з Беларуссю

У лютым мінулага года расійскія войскі з тэрыторыі Беларусі атакавалі Чарнігаў і Кіеў.

Украінскае войска пашырае дзве лініі абароны на мяжы з Беларуссю

PAP/EPA/Oleg Petrasyuk

Камандаванне УСУ паведаміла, што з чэрвеня шчыльнасць мінных загарод на мяжы з Беларуссю была павялічана ў 16 разоў. Украінская армія мініравала памежныя дарогі і масты.

На напрамках магчымага ўдару праціўніка дзеля стварэння мінных палёў і загарод былі выкарыстаныя 500 тысяч процітанкавых мін.

Акрамя таго, вайскоўцы працягваюць пашыраць другую лінію абароны на поўначы Украіны, у чым ім дапамагаюць мясцовыя ўлады. Інжынерныя войскі, якія займаюцца ўзвядзеннем умацаванняў і ўстаноўкай дадатковых камер назірання, працуюць кругласутачна. Акрамя таго, вайсковыя падраздзяленні рэгулярна праводзяць вучэнні ў памежнай зоне.

Нагадваем, у лютым мінулага года расійскія войскі з тэрыторыі Беларусі атакавалі Чарнігаў і Кіеў. Пасля паразы на гэтым напрамку фронту расіяне адступілі назад у Беларусь.

IAR/аз