Вядомая нямецкая кампанія Сarl Zeiss выйшла з супольнага з Беларускім оптыка-механічным аб’яднаннем прадпрыемства «Цэйс-БелОМА», у якім мела 60 адсоткаў акцый.
Як паведаміла выданне planbmedia.io, кампанія Сarl Zeiss была ў першай дзясятцы вялікіх нямецкіх бізнесаў, якія арганізавалі ў 1990-х вытворчасць на тэрыторыі Беларусі.
Створанае ў 1995 годзе супольнае прадпрыемства вырабляла лінзы, механічныя кампаненты, мікраскопы і медычныя прыборы, атрымальнікамі якіх былі заводы Сarl Zeiss у Германіі, ЗША і Францыі.
Кампанія вымушана была выйсці з Беларусі пасля ўвядзення Еўрасаюзам сёлета ў чэрвені санкцый супраць іх шматгадовага партнёра, Беларускага оптыка-механічнага аб’яднання (БелОМА).
Разам з тым, як адзначаецца ў публікацыі, у Беларусі працягваюць працаваць іншыя нямецкія кампаніі — Henkel, BASF, Bayer, Remondis. Некаторыя пад новымі імёнамі. Напрыклад, сетка аптычных салoнаў Fielmann стала сеткай Fielin.
Паводле звестак выдання, Германія дагэтуль займае сёмае месца сярод замежных інвестараў з 427,2 мільёна долараў прамых інвестыцый у эканоміку Беларусі.
аз
