Знікненне Анжалікі Мельнікавай непакоіць старшыню ПАСЕ

Рэжым Лукашэнкі мае доўгую гісторыю прымянення рэпрэсій і запалохвання сваіх апанентаў,» - нагадаў Тэодарас Русопулас.

Эмблема Савета Еўропы.

Автор: Совет Европы - http://www.coe.int/, Добросовестное использование, https://ru.wikipedia.org/w/index.php?curid=1379901

Старшыня Парламенцкай асамблеі Савета Еўропы (ПАСЕ) занепакоены знікненнем спікера Каардынацыйнай рады беларускіх дэмакратычных сілаў Анжалікі Мельнікавай.

«Рэжым Лукашэнкі мае доўгую гісторыю прымянення рэпрэсій і запалохвання сваіх апанентаў, робячы кожнае такое знікненне прадметам сур'ёзнай заклапочанасці. Анжаліка Мельнікава была мужным абаронцам свабоднай і дэмакратычнай Беларусі», - напісаў Тэодарас Русопулас.

Extremely alarming and worrying news about disappearance of a leading Belarusian opposition figure Anzhalika Melnikava and her daughters.

I call on everyone who has information to contact Polish authorities or police in your country.@PACE_News @Tsihanouskaya @RyszardPetru https://t.co/VFlpcjZl5a

— Theodoros Rousopoulos (@PACE_President) March 29, 2025

Ён нагадаў, што ў складзе першай гістарычнай прадстаўнічай дэлегацыі беларускіх дэмакратычных сілаў на Асамблею,  Анжаліка Мельнікава адкрыта казала пра жорсткасць і рэпрэсіі рэжыму.

«Я далучаюся да генеральнага дакладчыка ПАРЕ за дэмакратычную Беларусь Рышарда Пэтру ў закліках да ўсіх, хто валодае інфармацыяй пра месцазнаходжанне Анжалікі Мельнікавай і яе дачок, неадкладна звяртацца ў польскія спецслужбы», напісаў у сваёй заяве старшыня Парламенцкай асамблеі Савета Еўропы.

Пра знікненне спікеркі Каардынацыйнай рады Анжалікі Мельнікавай стала вядома ў пятніцу, 28 сакавіка. Сувязь з ёй абарвалася 25 сакавіка. У СМІ з’явілася інфармацыя пра тое, што яна самастойна вылецела з Польшчы, як заяўлялася, у Вялікабрытанію, «пасля чаго яе след згубіўся». Медыя таксама адзначылі, што невядома, дзе яе дочкі (6 і 12 гадоў), нагадвае «Позірк»

Кіраўнік Народнага Антыкрызіснага Упраўлення Павел Латушка паведаміў у сваім тэлеграм-канале, што з 19 сакавіка мабільны тэлефон Анжалікі Мельнікавай знаходзіцца на тэрыторыі Беларусі. Раней Павел Латушка паведамляў, што муж спікеркі Андрэй Мельнікаў выехаў у Беларусь 23 сакавіка.

Нагадваем, Мельнікава была абраная спікерам Каардынацыйнай рады трэцяга склікання 11 ліпеня 2024 года ад блока «Каманда Латушкі і Рух «За Свабоду».

аз