Юбілейны, 50-ты аўкцыён пародзістых коней адбываецца на заводзе конегадоўлі ў Янаве Падляскім на ўсходзе Польшчы. На продаж выстаўлены 21 арабскі конь. У сваю чаргу падчас паказаў гасцям прадстаўлены больш за сто коней, як з дзяржаўных, так і прыватных гадоўляў.
Польская конегадоўля мае багатую і слаўную традыцыю. Коней з Польшчы набываюць купцы з розных куткоў свету. На паказы прыехала шмат чалавек. У гэтым годзе ўпершыню свае ўзнагароды прызнала Міністэрства сельскай гаспадаркі і развіцця вёскі.
Па словах міністра сельскай гаспадаркі Яна Арданоўскага, гэта ўзнагароды для прыватных конегадоўцаў, каб заахвоціць іх супернічаць з дзяржаўнымі конезаводамі. Мерапрыемства ў Янаве Падляскім працягнецца да аўторку. Патранат над ім узяў на сябе прэзідэнт Анджэй Дуда.
ІАР/нг
