Прэс-сакратар Малапольскага ваяводства Ёана Пазьдзё адзначыла, што пацярпелыя знаходзяцца ў шасці рэгіянальных бальніцах.
«Больш за ўсё – 11 чалавек – застаюцца ў бальніцы ў горадзе Закапаны. Яшчэ пяць чалавек шпіталізаваныя ў Новым Таргу. У Сухе Бескідзкай – адзін чалавек, у сваю чаргу, у трох шпіталях Кракава застаюцца 10 чалавек. Агулам, пад апекай лекараў 27 чалавек».
Нагадаем, падчас магутнага ўрагану ў чацвер, 22 жніўня, з польскага боку Татраў загінула чатыры чалавекі, таксама, адзін чэшскі турыст загінуў у славацкіх Татрах. Агулам больш за 150 чалавек атрымалі раненні рознай ступені цяжкасці.
IAR/эж