Праўленне Польскага радыё прыняло рашэнне аб тэрміновай мадыфікацыі дзеючай сеткі вяшчання і ўвядзенне ў эфір Першай праграмы Польскага Радыё спецыяльных інфармацыйных выпускаў на беларускай мове, прысвечаных сітуацыі ў Беларусі.
Пры дапамозе рэтранслятараў Цэнтру радыёвяшчання ў Сольцу-Куяўскім, Першая праграма Польскага радыё будзе даступная «з паветра» на доўгіх хвалях на частаце 225 кГц на тэрыторыі амаль усёй Еўропы, у тым ліку, на тэрыторыі ўсёй Беларусі.
Спецыяльныя выпускі навінаў, падрыхтаваны Беларускай службай Польскага радыё для замежжа будуць транслявацца 3 разы на дзень: раніцай у 7.40, у 13.20 і 23.20 паводле мінскага часу. Беларускамоўны інфармацыйны выпуск будзе выходзіць у праграме «Polska i Świat» («Польшча і свет»).
Дзякуючы гэтаму ўсе беларусы, у тым ліку якія пражываюць у месцах, дзе няма інтэрнэту або ў выпадку чарговага адключэння Сеціва, атрымаюць доступ да поўнай і дакладнай інфармацыі пра сітуацыю ў сваёй краіне, а таксама звязаных з ёй міжнародных падзеях.
Старшыня праўлення Польскае радыё Агнешка Каміньска падкрэслівае, што такі крок цалкам адпавядае місіі грамадскага вяшчальніка Польшчы.
Трансляцыя інфармацыйных выпускаў пачнецца ў бліжэйшую суботу, 22 жніўня.
IAR/эж