ПКП «Польскія чыгуначныя лініі» (PKP Polskie Linie Kolejowe) мадэрнізуюць некалькі трасаў у Сілезскай агламерацыі. Сёння кіраўніцтва чыгункі падпісала кантракт па гэтак званым інвестарскім наглядзе за работамі на ўчастку ад горада Хожаў (Chorzów) да горада Накла Сілезскае (Nakło Śląskie).
Кошт інвестыцый перавышае 1 мільярд злотых. У рамках праекта будуць мадэрнізаваныя прыпынкі і вакзалы. Таксама плануецца пабудаваць новы прыпынак – Хожаў -Універсітэт.
Намеснік міністра інфраструктуры Анджэй Бітэль(Andrzej Bittel) адзначыў, што інвестыцыі важныя як для рэгіёна, так і для ўсёй краіны:
- Інвестыцыя мае буйны характар. Яна важная, як з пункту гледжання Сілезскай агламерацыі, Сілезскага ваяводства, а таксама ўсяе Польшчы. Гаворка ідзе пра павелічэнне эфектыўнасці, як грузавых, так і пасажырскіх перавозак.
Работы па праектаванні скончацца ў гэтым годзе, а асноўная праца будзе праводзіцца ў 2022-2024 гадах. Частка грошай на мадэрнізацыю будзе выдзелена з фондаў Еўрапейскага Саюза.
аз