Джо Байдэн высока ацаніў рэакцыю Еўрапейскага Саюза і абвясціў, што ЗША таксама прымуць меры ў гэтым пытанні.
У заяве Белага дома Джо Байдэн назваў прымусовую пасадку самалёта Ryanair у Мінску і арышт Рамана Пратасевіча прамым парушэннем міжнародных стандартаў. Прэзідэнт ЗША дадаў, што рашуча асудзіў дзеянні Беларусі. «Гэты абуральны інцыдэнт і відэа са спадаром Пратасевічам, відавочна, запісаныя пад прымусам, – гэта бессаромная атака як на палітычных апанентаў, так і на свабоду СМІ», – сказаў Джо Байдэн і заклікаў улады ў Мінску вызваліць Пратасевіча і сотні іншых палітвязняў. Прэзідэнт ЗША выказаў задавальненне ўвядзеннем Еўрапейскім Саюзам эканамічных санкцый і іншымі крокамі супраць Беларусі. Ён таксама паінфармаваў, што даручыў сваім дарадцам падрыхтаваць у каардынацыі з саюзнікамі дзеянні, якія прымусяць вінаватых панесці наступствы. «Я захапляюся мужнасцю і рашучасцю беларусаў, якія змагаюцца за асноўныя правы», – напісаў Джо Байдэн, дадаўшы, што Злучаныя Штаты ў сваёй барацьбе стануць на бок ваюючых беларусаў.
Тым часам Белы дом паведаміў, што дарадца ЗША па нацыянальнай бяспецы Джэйк Саліван размаўляў па тэлефоне з лідарам беларускай апазіцыі Святланай Ціханоўскай.
ав