У Польшчы цяпер жывуць на пастаянных умовах больш за 52 тысячы грамадзян Беларусі

Большасць беларусаў, якія прыехалі ў Польшчу, — гэта людзі ва ўзросце ад 20 да 39 гадоў, то бок эканамічна актыўныя людзі.

Ілюстрацыйнае фота.

StelaDi /pixabay/CC

Цэнтр беларускай салідарнасці атрымаў ад польскага Упраўлення па справах іншаземцаў падрабязную інфармацыю пра колькасць беларусаў, якія жывуць у Польшчы на пастаянных умовах.

Паводле гэтых звестак, на канец чэрвеня 52 313 грамадзян Беларусі маюць дзейны дакумент, які дае права на знаходжанне на тэрыторыі Польшчы.

Сярод іх:

28 179 маюць пастаянны від на жыхарства,

20 053 маюць часовы від на жыхарства,

2 415 атрымалі дадатковую абарону,

864 маюць дазвол на знаходжанне доўгатэрміновага рэзідэнта ЕС,

508 атрымалі часовую абарону,

294 атрымалі статус бежанца.

Часцей за ўсё беларусы падавалі прашэнні на від на жыхарства ў Мазавецкім, Паморскім і Падляшскім ваяводствах.

Пачынаючы 2020 году беларусы сталі самай шматлікай групай, якая падае прашэнні аб наданні міжнароднай абароны.

Большасць беларусаў, якія прыехалі ў Польшчу, — гэта людзі ва ўзросце ад 20 да 39 гадоў, сярод іх 56% — мужчыны і 44% — жанчыны.

З 10 жніўня 2020 года па 30 чэрвеня 2022 года грамадзянам Беларусі было выдадзена 36 614 гуманітарных візаў, 42 932 візы па праграме Poland Business Harbour.

вх