У Польшчы есць гарантыі бяспекі НАТА таксама ў атамным пытанні, сказаў у эфіры Польскага радыё Павал Салэк, дарадчык прэзідэнта Анджэя Дуды.
Ён зазначыў, што Польшча, як і іншыя члены НАТА, з’яўляецца ўдзельнікам праграмы Nuclear Sharing – праекту па атамным стрымліванні агрэсараў. Гэтая праграма дазваляе на размяшчэнне ядзерных боегаловак у членскіх краінах Паўночнаатлантычнага пакту. З лістапада 2009 года ў рамках згаданай праграмы амерыканская ядзерная зброя знаходзіцца на тэрыторыі Бельгіі, Германіі, Італіі, Нідэрландаў і Турцыі.
На днях прэзідэнт Польшчы Анджэй Дуда сказаў, што Варшава вядзе перамовы з ЗША, датычныя размяшчэння на сваёй тэрыторыі амерыканскай ядзернай зброі ў рамках праграмы Nuclear Sharing. Захады Варшавы звязаныя непасрэдна з агрэсіўнай палітыкай Расіі ў рэгіёне, у тым ліку з нападзеннем Масквы на Украіну.