Мітрапаліт Варшаўскі і ўсяе Польшчы Сава тлумачыць:
«Я адназначна заяўляю, што мая дэпеша была накіравана выключна для выканання патрабаванняў пратакола, без уліку складанай геапалітычнай сітуацыі. Апошнія дні і інтэрпрэтацыя маіх слоў супярэчыць маім намерам і паказвае, што я памыляўся, бо сітуацыя вымагала большага. Таму я выказваю шкадаванне, што выклікаў такі вялікі медыйны шум, падвяргаючы супольнасць Польскай Аўтакефальнай Праваслаўнай Царквы незаслужанаму болю».
Мітрапаліт Сава заяўляе, што асуджае злачыннае ўварванне Расійскай Федэрацыі ў незалежную Украіну і што такую пазіцыю ён выказаў у сакавіку 2022 года, звярнуўшыся як да Расійскай Федэрацыі, так і асабіста да Патрыярха Кірыла з просьбай аб яго спыненні.
Кіраўнік Праваслаўнай Царквы ў Польшчы нагадвае, што неаднаразова выказваў сваё здзіўленне і збянтэжанасць словамі Патрыярха Кірыла пра вайну ва Украіне, і зазначае, што яны не служаць аднаўленню міру ва Украіне і негатыўна ўплываюць на ўспрыманне ўсяго праваслаўя.
Мітрапаліт Сава таксама падкрэслівае, што падтрымлівае незалежнасць Праваслаўнай царквы ва Украіне. Патрыярх адзначае, што Польская Праваслаўная Царква неаднаразова звярталася да Канстантынопальскага Патрыярха Варфаламея з просьбай склікаць Нараду Памесных Кіраўнікоў Праваслаўных Цэркваў, каб пацвердзіць наданне Томасу аб аўтакефаліі Праваслаўнай Царквы Украіны ў адпаведнасці з канонамі Праваслаўя.
wiadomosci.cerkiew.pl/яс