Пасля сустрэчы ў Лондане са сваім брытанскім калегам Збігнеў Раў заявіў журналістам, што перад самітам НАТА ў Вільні пазіцыя Варшавы «вельмі адназначная»:
«Мы хочам максімальна наблізіць Украіну да Альянсу», – заявіў Збігнеў Раў, дадаўшы што гаворка ідзе аб адаптацыі яе «ваенна-палітычнай структуры» да стандартаў альянсу.
Кіраўнік польскай дыпламатыі лічыць, што пры выкананні гэтых умоваў «можна адносна хутка далучыць Украіну да НАТА».
Кіраўнікі польскага і брытанскага міністэрстваў нацыянальнай абароны і МЗС сустрэліся ў брытанскай сталіцы для кансультацый. Яны падпісалі пагадненне аб партнёрстве, якое ўключала дэкларацыю аб умацаванні супрацоўніцтва ў сферы бяспекі і абароны.
яс