Уладзімеж Марціняк у эфіры «Польскага радыё 24» падкрэсліў, што інфармацыя пра вагнераўцаў у Беларусі часта супярэчлівая і можа быць абнародаваная ў мэтах дэзынфармацыі. Чым яны будуць займацца, пакуль невядома.
«Лукашэнка, для якога галоўнае захаваць уладу, не павінен быў пагаджацца на знаходжанне ў Беларусі некантралюемага ім фармавання. З іншага боку, выкарыстанне вагнераўскіх салдат, напрыклад, у якасці інструктараў, надзвычай выгадна для яго – беларуская армія ніколі не ваявала, яны могуць перадаць рэальны вопыт, у Беларусі даволі вялікая колькасць сіл спецыяльных аперацый, дзесьці каля 6 тысяч, але такія войскі ніколі не праводзілі рэальных спецаперацый», – заявіў Марціняк.
Уладзімеж Марціняк дадаў, што любая іншая дзейнасць вагнераўцаў будзе залежаць ад Расіі.
На думку польскага ўрада, вагнераўцы, размешчаныя ў Беларусі, маюць на мэце дэстабілізаваць суседнія краіны, у тым ліку Польшчу. Яны могуць займацца правакацыямі, асабліва падчас выбарчай кампаніі. Польскія ўлады ўжо накіравалі на мяжу дадатковыя войскі.
IAR/вх
