Яна дадала, што за гэты час гэтым сродкам экстранай кантрацэпцыі скарысталіся 1937 чалавек ва ўзросце ад 15 да 17 гадоў.
У сярэдзіне сакавіка Анджэй Дуда заявіў, што не падпіша законапраект, «які ўводзіць нездаровыя, хворыя і небяспечныя правілы для дзяцей». На яго думку, безрэцэптурныя таблеткі для непаўналетніх – гэта «вялікае перабольшанне». Па словах прэзідэнта, таблеткі па-ранейшаму павінны адпускацца па рэцэпце, а ў выпадку з дзяўчынкамі ці прымаць іх павінна быць «рашэнне бацькоў».
Міністр аховы здароўя Ізабэла Ляшчына на пытанне ў сераду ў эфіры TVN24, ці ёсць у яе пробліск надзеі на тое, што ўчорашні візіт левых дэпутатаў да прэзідэнта Анджэя Дуды з нагоды таблетак «дзень пасля» зменіць яго стаўленне да гэтага пытання, адказала, што не ведае.
Ізабэла Ляшчына нагадала, што ў яе быў «план на выпадак надзвычайных сітуацый», то бок калі прэзідэнт накладзе вета на законапраект. «У мяне ёсць пастанова», – сказала яна. Яна дадала, што вядзе пастаянны дыялог з фармацэўтамі для ўдакладнення дэталяў.
«Чым раней жанчына прыме такую таблетку, тым больш шанцаў, што не адбудзецца апладненне, гэта значыць не наступіць цяжарнасць. Гэта не таблетка для ранняга аборту», – падкрэсліла яна.
Адказваючы на пытанне аб надзвычайным плане ў сувязі з магчымым прэзідэнцкім вета або недасягненнем пагаднення ў Сейме адносна лібералізацыі заканадаўства аб абортах, яна адказала, што міністэрства не працуе над законапраектам, які б лібералізаваў заканадаўства аб абортах.
«Ёсць (...) на завяршальнай стадыі грамадскіх кансультацый Палажэнне аб агульных умовах дагавораў паміж Нацыянальным фондам здароўя і гінекалагічна-акушэрскімі аддзяленнямі, у якім будзе дакладна пазначана, што калі жанчына паведамляе ў аддзяленне і у адпаведнасці з польскім заканадаўствам яна павінна атрымаць такую дапамогу, як перапыненне цяжарнасці, то яе нельга нікуды адправіць, толькі гэтае аддзяленне павінна аказаць дапамогу, якая з'яўляецца гарантаванай», – сказала міністр.
22 лютага гэтага года Сейм прыняў папраўку да фармацэўтычнага закону. Законапраект прадугледжвае безрэцэптурную выдачу сродкаў экстранай кантрацэпцыі на аснове уліпрыстала ацэтату (EllaOne) для асоб старэйшых за 15 гадоў. Сенат прыняў акт без паправак 6 сакавіка гэтага года, акт быў накіраваны прэзідэнту, які меў 21 дзень, каб падпісаць яго, накласці вета або накіраваць у Канстытуцыйны трыбунал.
Міністр аховы здароўя Ізабэла Ляшчына 14 сакавіка заявіла, што ў выпадку прэзідэнцкага вета Міністэрства аховы здароўя прыменіць «план Б» – з 1 мая таблеткі «дзень пасля» будуць адпускацца без рэцэпту — Міністэрства ўнясе змены пастановай.
PAP/вх