«Ці цяжкі воз, які коні цягнуць у Морскае Вока ў гару? Ведаеце, колькі разоў я чуkf абразы ад фатэльных псеўдаабаронцаў і інтэрнэт-знащцащ коней з Морскага Вока: Цягніце гэты воз самі? АДЗІН РАЗ» – напісала яна ў профілі «Коні ў Татрах» – жанчына, якая вырашыла самастойна зацягнуць каляску, прызначаную для турыстаў, якія едуць у Морскае Вока.
Жанчына надзела маску каня і абутак на абцасах ды пацягнула воз. Запіс стаў вірусным. «Лічу, што двое магутных запрэжаных коней «крыху» мацнейшыя, і праца па 1,5-2 гадзіны праз дзень (а менавіта столькі звычайна працуе пара коней на маршруце!!) не пагражае іх здароўю, у мяне ёсць адзін конь у стайні, які працаваў у Морскім Воку, і ён здаровы і фантастычны», – напісала яна.
«Мараль? Самі падумайце», – дадала яна.
Міжнародны фонд руху ў абарону жывёлаў Viva адрэагаваў на гэтае відэа. «Вядомая аматарка конных перавозак у Морскае Вока Ганна Л. апублікавала сёння ў інтэрнэце відэа, як яна цягне воз. Пусты. На роўнай паверхні. І кажа людзям, што для коней гэта не праблема...» – напісалі яны. — Падкрэсліваем: на роўным – гэта не подзвіг! Тут важны ўхіл мясцовасці. Таму мы кідаем выклік спадарыні Ганне – падцягні гэты воз! Хоць з сябрам! Нават пусты! А праз 20 хвілін пачынай бегчы ўніз з ім».
Спрэчка наконт коней з Морскага Вока
Спрэчка аб бяспецы жывёл на маршруце ў Морскае Вока доўжыцца амаль 15 гадоў, калі ў 2009 годзе адзін з коней памёр ад знясілення. Тэма вярнулася і ў гэтым годзе, калі адзін з коней упаў на трасе ў Морскае Вока і кіроўца спрабаваў ажывіць жывёлу, ударыўшы яе па храпе.
У траўні гэтага года адбылася сустрэча прадстаўнікоў перавозчыкаў жывёл і зоаабарончых арганізацый з міністрам Паўлінай Хеніг-Клоска. Тады было заключана пагадненне з 12 пунктаў – яно скарачала, між іншым, колькасць чалавек на машыне з 12 да 10 чалавек і пачаліся выпрабаванні электробуса. Перыяд адпачынку коней таксама павялічаны да 60 хвілін.
У сярэдзіне чэрвеня ветэрынар і спецыяліст па хваробах коней доктар Марэк Тышнер паведаміў у інтэрвʼю PAP, што з 275 коней, якія вязуць турыстаў у Морскае Вока ў Татрах, толькі аднаму не дазволілі працаваць пасля ветэрынарных даследаванняў, у т.л. артапедычных даследаванняў. Астатнія, па словах ветэрынараў, былі ў выдатнай форме. Аднак, як паведамляе Viva! больш за 90 працэнтаў коней трэба адклікаць ад працы на маршруце да Морскага Вока.
polskieradio24.pl/вх
