«На борце турыстычнага судна, якое патанула ў Егіпце, маглі быць двое палякаў», - паведаміў тэлеканалу TVPInfo прэс-сакратар Міністэрства замежных спраў Павел Вроньскі. Агулам на борце знаходзіліся 45 чалавек, у тым ліку 31 турыст розных нацыянальнасцей і 14 членаў экіпажа. На дадзены момант удалося выратаваць каля 20 чалавек. Як дадаў Павел Вроньскі(Paweł Wrońśki), польскі консул у Егіпце знаходзіцца ў кантакце з мясцовымі службамі:
- Мы атрымалі такую інфармацыю, што сярод пасажыраў судна маглі быць дзве асобы з польскім грамадзянствам. Мы не ведаем, што здарылася з імі, ці яны сярод выратаваных і ці гэта сапраўды палякі.
Турыстычным суднам «Sea Story» з Марса-эль-Алам у Хургаду адправілася дайвінг-экспедыцыя. Судна запусціла сігнал трывогі, пасля чаго сувязь з ім была страчана. Ідзе выратавальная аперацыя, у якой задзейнічаны егіпецкія верталёты і караблі.
IAR/TVPInfo/аз