Польская паліцыя пры падтрымцы Памежнай службы разбіла банду, якая займалася гандлем нелегальнымі цыгарэтамі. Страты Дзяржаўнай казны ў выніку дзейнасці гэтай арганізаванай злачыннай групы ацэньваюцца на 35 мільёнаў злотых (больш за 8 мільёнаў еўра).
Падчас аперацыі Цэнтральнага бюро расследавання з Катавіц і падраздзялення Карпацкай памежнай службы ў Мінскім і Валомінскім паветах Польшчы былі затрыманыя 11 чалавек, у тым ліку трое грамадзян Беларусі.
У двух месцах службы ліквідавалі нелегальную цыгарэтную фабрыку разам з памяшканнямі для кіраўнікоў, аддзел па ўпакоўцы і склад тытунёвых вырабаў.
Усяго было канфіскавана больш за 10 мільёнаў цыгарэт, 15 тон тытуню і абсталяванне.
У раённай пракуратуры горада Глівіцэ(Gliwice) затрыманым прад'яўлены абвінавачванні ва ўдзеле ў арганізаванай злачыннай групе, незаконнай вытворчасці і захоўванні падакцызных тавараў. Суд пагадзіўся на часовы арышт усіх затрыманых.
IAR/аз