Удзел Караля Наўроцкага ў святкаванні дня нараджэння Дональда Трампа таксама служыць інтарэсам Польшчы, лічыць намеснік старшыні Камісіі па замежных справах Сейма Павел Коваль(Paweł Kowal).
Падчас урачыстасці, арганізаванай з нагоды дня нараджэння амерыканскага лідара, прэзідэнты ЗША і Польшчы коратка абмяняліся меркаваннямі.
— Наша стратэгічная і самая важная на сёння мэта — змяніць статус знаходжання амерыканскіх войскаў у Польшчы з часовага на пастаянны. Урад працуе над дасягненнем гэтай мэты; насамрэч, прэм'ер тыдзень таму ўнёс прапанову, каб гэта нарэшце адбылося. Над гэтым працуе парламент і прэзідэнт таксама працуе над дасягненнем гэтай мэты, — заявіў Павел Коваль.
Прэзідэнт Караль Наўроцкі наведаў спаборніцтвы байцоў змешаных баявых адзінаборствах, якія прайшлі перад Белым домам у рамках святкавання 80-годдзя Дональда Трампа.
Дональд Трамп назіраў за баямі з рынга ў суправаджэнні сваёй жонкі Меланіі, членаў сямʼі і афіцыйных асоб. Падчас перапынкаў паміж баямі прэзідэнт ЗША размаўляў з Каралем Наўроцкім.
Незразумела, ці была гэта адзіная сустрэча паміж прэзідэнтамі. Афіцыйнай размовы паміж Наўроцкім і Трампам не было ў афіцыйным календары Белага дома.
Нагадаем, візіт польскага прэзідэнта ў ЗША будзе працягвацца да 16 чэрвеня.
IAR/аз