Эксперты прагназуюць рост цэн на прадукты харчавання ў Польшчы ў наступным годзе. Прычына — канфлікт на Блізкім Усходзе, які выклікаў рост цэн на паліва і газ.
Доктар Пётр Машчык (Piotr Maszczyk) з Варшаўскай школы эканомікі лічыць, што некаторыя спажыўцы адчуюць уплыў глабальных падзей на сваё фінансавае становішча толькі праз некалькі месяцаў.
— Штучныя ўгнаенні, якія вырабляюцца з газу. Газ — як сродак вытворчасці. Да гэтага трэба дадаць не найлепшы сёлетні ўраджай і наступствы Эль-Ніньё ў Паўднёвай Амерыцы, якія паўплываюць на сусветныя цэны на цукар і каву. І калі вы любіце каву з цукрам, то вы ўжо адчуеце гэты рост, — кажа эксперт.
Доктар Пётр Машчык прагназуе, што ў наступным годзе цэны на прадукты харчавання вырастуць у сярэднім на 5 працэнтаў у параўнанні з бягучым годам.
IAR/аз