Урад Польшчы абвясціў чарговае змякчэнне абмежаванняў у сувязі з пандэміяй каранавіруса. З 6 чэрвеня пачаўся чацвёрты этап паслаблення каранціннага рэжыму.
З суботы могуць аднавіць сваю дзейнасць тэатры, кінатэатры, філармоніі, дамы культуры і цыркі. Месцы ў глядацкіх залах павінны быць запоўненыя на 50%, а гледачы, якія вырашацца прыйсці на спектакль або на канцэрт, павінны быць у ахоўных масках.
З сённяшняга дня могуць таксама пачаць працу фітнэс-клубы, трэнажорныя залы, басейны і паркі забаваў. Працу таксама аднаўляюць event-фірмы, якія займаюцца арганізацыяй кангрэсаў, бізнэс-сустрэч, галіновых выстаў, вяселляў і культурных мерапрыемстваў. Усе яны павінны выконваць санітарныя нормы, якія абавязваюць на дадзеным этапе змякчэння абмежаванняў.
вс