Прэзідэнтаў Польшчы і Германіі падтрымліваюць праект ушанавання памяці польскіх ахвяр Другой сусветнай вайны ў Берліне. Падчас сённяшняй тэлефоннай размовы абодва лідары абмеркавалі прагрэс у двухбаковых адносінах.
У чэрвені бягучага года будзе адзначацца 30-годдзе польска-германскага дагавора аб добрасуседстве і сяброўскім супрацоўніцтве. Міністр з Канцылярыі прэзідэнта Польшчы Кшыштаф Шчэрскі заявіў, што гэта нагода падвесці вынікі згаданых 30 гадоў супрацы, але прэзідэнты зацікаўленыя таксама ў вызначэнні мэтаў на будучыню.
Як ён дадаў, прадметам польска-германскага дыялогу з'яўляецца, у прыватнасці, пытанне польскай дыяспары ў Германіі і адукацыйных правоў, а таксама ўшанавання ў Берліне памяці палякаў, якія загінулі падчас Другой сусветнай вайны.
У канцы кастрычніка мінулага года парламент Германіі прыняў рашэнне стварыць у Берліне памятны знак, прысвечаны ахвярам Другой сусветнай вайны і нямецкай акупацыі ў Польшчы.
Помнік павінен быць усталяваны ля старога чыгуначнага вакзала Anhalter Bahnhof - аднаго з галоўных транспартных вузлоў Трэцяга рэйха.
аз