За суткі 56 чалавек спрабавалі нелегальна перасячы польска-беларускую мяжу

Польская Памежная служба паведамляе, што ля Чарэмхы мяжу фарсіравала група з 49 агрэсіўных замежнікаў.

Ілюстрацыйны здымак. Мяжа Польшчы

фота: Twitter.com/@Straz_Graniczna

За мінулыя суткі 56 чалавек спрабавалі незаконна перасячы польска-беларускую мяжу, паведаміла ў Твітары Памежная служба. Паводле памежнікаў, уначы на ўчастку ля вёскі Пласка, група з 13 грамадзян Ірака прайшла на польскі бок па замерзлым возеры Вянзовец.

У сваю чаргу ля Чарэмхы мяжу фарсіравала група з 49 агрэсіўных замежнікаў. «Гэта былі грамадзяне Ірака, Турцыі, Шры-Ланкі, Емена і Сірыі», – паведаміла польская Памежная служба.

Wczoraj tj.20.01 gr.🇵🇱🇧🇾próbowało nielegalnie przekroczyć 56 os.
Na odcinku #PSGPłaska 13 ob.Iraku przeszło na stronę🇵🇱po zamarzniętej tafli jeziora granicznego Wiązowiec.#PSGCzeremcha grupa 49 agresywnych cudzoziemców(ob.Iraku,Turcji,Sri Lanki,Jemenu i Syrii) forsowała granicę. pic.twitter.com/ORWkHDjlwx

— Straż Graniczna (@Straz_Graniczna) January 21, 2022

Летась польскія памежнікі зафіксавалі амаль 40 тысяч спробаў нелегальнага перасячэння польска-беларускай мяжы. Найбольш у кастрычніку – 17,5 тысяч.

PAP/аз