Каб перажываць святы па-хрысціянску, трэба паклапаціцца пра іх духоўны бок. Для гэтага не патрэбныя елкі, шарыкі, падарункі і шчодра накрытыя сталы, – піша ў сваім калядным пасланні праваслаўны архіепіскап Якуб. Святы без наведвання набажэнстваў ён называе «упакоўкай без зместу».
Большасць праваслаўных у Польшчы, асабліва ва ўсходняй частцы краіны, святкуюць Божае Нараджэнне паводле юліянскага календара. Вігілія Божага нараджэння – ужо 6 студзеня.
У святочным пасланні біскуп праваслаўнай Беластоцка-Гданьскай епархіі арцыбіскуп Якуб звяртае ўвагу на неабходнасць належнай падрыхтоўкі да Божага Нараджэння і належнага яго перажывання. На яго думку, «хоць мы клапоцімся аб тым, каб у нашых дамах былі прыгожа ўбраныя елкі і каб нашы сталы былі накрыты (...), але часта забываемся пра самае галоўнае – пра клопат пра духоўны бок».
На яго думку, усё часцей у дамах многіх вернікаў была толькі знешняя ўпакоўка і павярхоўнае святкаванне, без удзелу ў набажэнствах. «Для іх Каляды маюць каштоўнасць толькі таму, што гэта выходны дзень. Фактычна, гэта як скрынка без змесціва», – падкрэсліў ён.
Арцыбіскуп Якуб заклікаў клапаціцца аб належным перажыванні Божага Нараджэння, «служачы Богу і бліжнім».
«Будзем дзякаваць Богу за тое, што ў нашай краіне пануе мір, што мы можам лёгка хадзіць у нашы храмы, што ў нас ёсць ежа, што ў нашых дамах цёпла і светла. Давайце дапамагаць нашым братам, у якіх няма дому, хто вымушаны быў пакінуць родныя мясціны, разлучаны з сям'ёй, апынуўся на чужыне, сагрэем іх, дамо ім магчымасць годна пражыць сёлетнія святы, завязем іх у храм, дапаможам ім знайсці сэнс жыцця», — напісаў ён у звароце.
Дакладных дадзеных аб колькасці праваслаўных у Польшчы няма. Прадстаўнікі Польскай праваслаўнай царквы ацэньваюць колькасць вернікаў на каля 500 тысяч.
ав
