Неапазнаны дрон памерам з планёр мінуў у 30 м самалёт нацыянальнай польскай авіякампаніі LOT, які ў суботу прызямляўся ў варшаўскім аэрапорце імя Шапэна. Паводле пілотаў лайнера, існавала вялікая небяспека сутыкнення з паветраным аб’ектам, паколькі БЛА рухаўся ў бок пасажырскага самалёту, а размах крылаў дрона складаў каля 3 м. Экіпаж падаў рапарт, датычны інцыдэнту.
Пазаштатнай сітуацыяй занялася Дзяржаўная камісія расследавання авіяцыйных здарэнняў Польшчы.
Інцыдэнт трапіў на камеры назірання дыспетчарскага пункту аэрапорту. Здарэнне мела месца ў суботу каля 16:00 гадзіны паводле мясцовага часу, калі самалёт тыпу Embraer, які накіроўваўся рэйсам з польскага гораду Познань, прызямляўся ў польскай сталіцы. Дрон таксама заўважыў экіпаж іншага лайнера авіякампаніі LOT.
Пасля інцыдэнту варшаўскі аэрапорт спыніў аперацыі на 30 хвілін.
Авіяцыйныя ўлады краіны пра здарэнне паведамілі паліцыю.
вс
здымак ілюстрацыйны