Калі б выбары ў Сейм праходзілі ў наступную нядзелю, Аб'яднаныя правыя атрымалі б 34,06% галасоў, Грамадзянская кааліцыя - 27,79 працэнта, Трэці шлях (PSL - Польшча 2050) - 12,42 працэнта, Канфедэрацыя - 10,75 працэнта, левыя - 10,01 працэнта, вынікае з апытання, праведзенага даследчым інстытутам Pollster для штодзёнкі «Super Express».
«У параўнанні з красавіцкім апытаннем дыстанцыя паміж асноўнымі канкурэнтамі павялічылася амаль удвая», — адзначае выданне. Апытанне было праведзенае на наступны дзень пасля праграмнага з'езду ПіС, дзе, між іншым, былі агучаныя планы індэксацыі дапамогі 500 плюс.
Паводле апытання, 1,58% падтрымкі маюць Блог «Згода/Аграсаюз», 0,98% - Рух самакіравання «Так для Польшчы», 0,68% - Кукіз'15, і 0,63% - Беспартыйнае мясцовае самакіраванне.
Апытанне праведзенае 15 траўня на выбарцы 1083 дарослых палякаў.
PAP
