«Сябра праўлення Саюза палякаў на Беларусі і журналіста беларускія ўлады этапавалі ў калонію ў Наваполацку. Мы заклікаем Еўрасаюз неадкладна прыняць санкцыі супраць рэжыму Лукашэнкі», – гаворыцца ў паведамленні пастаяннага прадстаўніцтва Польшчы ў ЕС.
Праект далейшых абмежаванняў супраць рэжыму ў Мінску быў падрыхтаваны Еўракамісіяй у канцы студзеня. Аднак з таго часу, нягледзячы на шматлікія заклікі Польшчы і Літвы, санкцыі не былі прынятыя. Партугалія іх блакуе. Яе ідэя заключаецца ў тым, каб беларускую калійную соль выключыць з-пад існых абмежаванняў. Партугалія спасылаецца на харчовую бяспеку і недахоп штучных угнаенняў у афрыканскіх краінах. Польшча і Літва кажуць, што гэта расійская прапаганда, таму што такой праблемы няма і ад змякчэння санкцыяў выйграе толькі рэжым у Мінску, Лукашэнка, ягоная сям’я і сябры.
IAR/вх
