Сёння Памежная служба паведаміла, што гэта арганізаваная злачынная група, якая займалася нелегальным перапраўленнем мігрантаў на мяжу з Германіяй.
Намеснік кіраўніка Міністэрства ўнутраных справаў і адміністрацыі Мацей Вонсік высока ацаніў супрацоўніцтва службаў.
«Цэнтральнае следчае бюро паліцыі разам з Памежнай службай і Акруговай пракуратурай у Варшаве зламалі сетку з 10 чалавек, на жаль, з польскіх грамадзянаў», – сказаў Вонсік.
«Гэта арганізаваная група, якая нелегальна перапраўляла грамадзян ад беларускай мяжы ў Германію. Па нашых ацэнках, яны маглі перавезці да 200 чалавек, зарабляючы каля 5 тысяч з кожнага чалавека», – сказаў Мацей Вонсік.
Усяго было затрымана 9 падазраваных, а адзін, меркаваны кіраўнік групоўкі, адбывае пакаранне па іншай справе. 8 чалавек часова арыштаваныя.
Паводле Памежнай службы, расследаванне паказвае, што замежнікаў адразу пасля перасячэння «зялёнай мяжы» везлі на аўтамабілях у бок мяжы з Нямеччынай і пакідалі там. Затым мігранты, пераважна з Блізкага Усходу, пешшу перасякалі польска-нямецкую мяжу, а іх мэтай былі краіны Заходняй Еўропы.
Следчыя заклалі маёмасць падазраваных, у тым ліку грошы і каштоўнасці на некалькі дзясяткаў тысяч злотых, а таксама наркотыкі і зброю, якія былі перададзеныя на экспертызу спецыялістам.
У Акруговай пракуратуры ў Варшаве падазраваным выставілі абвінавачанне ва ўдзеле ў арганізаванай злачыннай групе. Акрамя таго, следчыя распачалі амаль 50 абвінавачванняў у арганізацыі перасячэння дзяржаўнай мяжы з Беларусі ў Польшчу іншаземцам, якія не маюць дакументаў, якія пацвярджаюць іх права на ўезд і знаходжанне на тэрыторыі Еўрасаюза.
У кіраўніцтве групоўкай падазраюцца два чалавекі, ім пагражае да 10 гадоў пазбаўлення волі.
яс/IAR